|
| 10月1日晚上九時許,食食下飯電話突然響起,點估都估竟然係小學同學打黎,重話約左成班舊同學出黎飲野,我真係諗都冇諗過會重見得番,因為已經有七年冇聯絡,真係要多謝當時既紀念冊,出到去旺角一間cafe ,見番一個個好耐冇見既朋友,有d都完全唔認得lu,個時我先知我小學d回憶已忘記得七七八八,但之後傾下笑下又勾番唔少既開心回憶, 真係好開心,飲完野已經兩點幾,之後就去左麥記食野,係一個完全唔適合講鬼故既地方講鬼故,之後又行左去家樂商場隔離既公園傾計,傾到六點幾又番左青衣飲早茶,真係好開心亦都好眼訓~~ | | |
| 9月29日,我永遠記住今日!! 6點45分起身,一起身心情好沈重亦好緊張,7點20分,見到土瓜灣小巴條隊好多人,完全唔知龍尾係邊,我一路行一路think ,一路數,"死喇!重未見到龍尾既",粗略數過起碼有130人係度,一路同自己講"算啦!照排啦!番工時間d車好密既",係我講完呢句野之後既半個鐘,都係黎左5部車,我再數起碼要等多兩部車我先上到,"唔得喇!我趕唔切喇!"我最後都飛的,原來葵涌道塞死左,唔怪得知冇小巴啦!八點九我先到個度,"遲到喇!死",等左咁耐,唔係衰收尾ma!好彩冇事,真係好好彩! 最後 "阿媽!!我得左喇"~~~ 我考到車喇!!yeah | | |
| 好耐冇打xanga,因為上星期一至五都冇咩特別事,唔想求其搵d野黎打xanga,上星五去左露營,過左一個好開心既假期,星期五當日下晝六點係深水埗走得,打比巧穎,佢睇緊戲話7點先到鑽石山,(點解佢要咁樣做??)嬲嬲地行去鑽石山,行到過去7點05分,買完野已經8 點,之後join埋毛毛怒奔入灣仔,入到去"黑蚊蚊"只見三個營係度場面有d冷清,跟住我地狂風下開始燒野食,食到好飽,燒完已經12點幾,第二日去左一個唔知係泥灘定係沙灘游水,玩左短短1個鐘就番營,之後食下玩下,d時間過得好快,星期日2點幾搭船走人
| | |
| 近日工作又忙..忙..忙啦!番到屋企我阿哥已經佔據左電腦,冇機會打XANGA,昨日第一次番IVY ,可能太耐冇番過學,心情好緊張,6:30PM到先到杏花邨站,唉!第一日就遲到,入到課室見到阿SIR重未到(早知唔駛咁趕啦~),原來我個班有61人,時間黎到7:00PM,全班人逼爆整個課室,場面何其壯觀,阿SIR終於捨得入黎,佢用左半個鐘介紹自己同間學校,又用左三個字時間介紹呢一科學D咩,咁就冇左半堂(好野),講完一堆野之後,佢開始點名(唉~~有排點,我排第五十二,訓陣先),個阿SIR重要唔識譯D名(以我為例,我尋晚變左做黃國燕),搞到冇人應,佢就以為個個學生冇番,之後先知自已譯錯,重要以笑遮醜,離哂鋪(邊個請佢番黎..?比錢佢駛重要譯錯我地個名,換人換人),8:00PM!!佢終於講書,一片死寂氣氛下,個阿SIR成個傻仔咁自問自答,係咁問"大家明唔明??明呀嘛??"我地既回應".............. !" 佢就" 嗯!我相信大家都明,我地繼續" ,就係咁咁就上左第一堂LU !!今晚又要番,希望唔好再係尋晚個阿SIR ! | | |
|
